سمسور

له ایران او پاکستان څخه نږدې ۲۰۰ کورنۍ راستنې شوي

• 2 مياشتي دمخه (29/08/2024)
• شریف الله وليزاد
• 167

د کډوالو ستونزو ته د رسېدنې او مرستو رسولو کمېسیون خبر ورکړی، چې تېره ورځ له ایران او پاکستان څخه ۱۹۸ کورنۍ راستنې شوې دي. 

یاد کمېسیون په پروني راپور کې ویلي، چې دغه کسان د ننګرهار د تورخم، د هرات د اسلام قلعه، د نیمروز د ورېښم پل او د کندهار د سپین بولدک له سرحدي لارو په اختیاري او اجباري توګه له یادو هېوادونو افغانستان ته راستنې شوې دي.

په راپور کې لیکل شوي، چې د یادو کورنیو له ډلې له ځينو کورنیو سره نقدي مرسته شوې او یو شمېر نورې کورنۍ یې د مرستو ترلاسه کولو په موخه کورنیو او بهرنیو سازمانونو ته ورمعرفي کړې دي.