2020-09-21
ستا په وصـــال کې چې هجران وينمه
لکه سپـــــــرلي کې چې خزان وينمه
هسې ښکارېږي چې جهان خپه دی
چې مې خپــــــــه د زړه آرمان وينمه
يو سپېلنی رانــــــه جوړ شوی اورکې
چې دې د مينــــــــې ډېر ګلان وينمه
زه سرګردانه پخپــــــــل ګل پسې يم
تاته چې ګورم خــــــــپل جانان وينمه
له مانه ورک دی چېـــــــرته ېې ولټوم
هرې خوا ګـــــورمــه زنـــــــدان وينمه
زما مـــــذهــــــب کې خو يوه مينه ده
که داســــــې نه وي ډېر شيان وينمه
ســارا پـــــــــه دې آزمون بری اخلمه
زه خپــــــــل مجنـــون په بيابان وينمه