چې هر مئين په غيږ کې نېسې داره هېــــــــــــــر مې نکړې
منصور يمه منصور دخداى لـــــــــــــــــپاره هېر مې نګړې
يوسف زړګى مـــــــــــــــــــې پلورې يو څو تږې مساپر دي
چې هر کــــــــــــــاروان درځې دمصر ښاره هېر مې نه کړې
دمينې کـــــــــــــــليمه يمه ، هر څوک راباندې پښې ږدي
لـــــــــــــــه خاورو مې در پورته کړه غباره هېر مې نکړې
جانان مې خوب کې راشي او قسم راکړي چې ويښ شه
هر ياد سره مې ژاړه تر سهاره هېر مـــــــې نـــــــــکـــــړې
قــــــدم رانه وا نه ړوي ، قـــــــــدم رابــــــــــــاندې کيږده
يو زړه درته چا ايښي يم په لاره هير مې نکـــــــــــــــړي
يو ډېر ګيله من يار په مخه راشي په سلګيو شــــــــي
همدومره راته او وايې چې ( څاره ) هېر مې نکـــــړې