2020-11-09
”عجیبه خلک دي، سړی ورته حیران پاتې شي”
وینې مو وڅښي، او زمونږه اتلان پاتې شي
زمونږه برخه سپوږمۍ، کرښې کرښې وداغوي
سترګې مو واخلي او بې ستورو مو اسمان پاتې شي
ایرې، ایرې مو سیپارې، د جومات ور په وینو
جهاد سپېڅلی، او سیځلی مو قران پاتې شي
چې پر دې لاره یې د مور سترګې لیلام ته ایښې
په دغو ژڼیو کې به څرنګه ایمان پاتې شي؟
زړونه دې زبیښي، د وحشت لمبې دې بلې ساتي
په دې وطن کې که څوک غواړي مسلمان پاتې شي
چې کتابونه د خپل زوی په وینو سره رانه وړي
د هرې مور په خوږمن زړه دغه ارمان پاتې شي