درې ورځو کې ۴۴ ملکي وګړو ته مرګ ژوبله اوښتې
- 3 کاله دمخه (22/01/2021)
- محمد نسیم ستانکزی
- 1161
د افغانستان د بشري حقونو خپلواک کمیسیون وايي په تیرو درې ورځو کې افغانستان کې ۸ ملکي وګړي وژل شوي او ۳۶ نور ټپیان دي.
د یاد کمیسیون د معلوماتو له مخې یادو ملکي وګړو ته دغه مرګ ژوبله په پنځو ولایتونو کې د مقناطیسي ماینونو، هدفي بریدونو او هاوانونو د لګیدو له امله اوښتې ده.
د بشري حقونو کمېسیون د ملکي وګړو خوندیتوب په هدف پر ښکېلو لورو غږ کړی چې بشر دوستانه نړیوال حقوق رعایت کړي او یو ځل بیا یې د تاوتریخوالي د ژر تر ژره کمېدو او اوربند ټینګېدو غوښتنه کړې ده.