سمسور

لوګر کې ۴ وسله والو ته د مرګ ژوبلې اوښتل

• 3 کاله دمخه (01/03/2021)
• محمد عزیر ستانکزی
• 1102

لوګر کې ۴ وسله والو طالبانو ته مرګ ژوبله واوښته.

د لوګر امنیه قومانداني وایي تیره شپه وسله والو طالبانو په دغه ولایت کې د امنیتي ځواکونو پر پوسته برید وکړ چې له امله یې دوه وسله وال ووژل شول او دوه نور ټپیان دي.

د امنیه قوماندانۍ له لوري په خپره شوې خبرپاڼه کې راغلي چې وسله والو طالبانو د محمداغې ولسوالۍ اړوند تنګي واغجان سیمه کې د امنیتي ځواکونو پر پوسته برید وکړ چې په وینا یې افغان ځواکونو ته کوم زیان نه دی اوښتی.

خبرپاڼه زیاتوي چې ددغې نښتې پر مهال د وسله والو طالبانو یو میل وسله هم د افغان ځواکونو لاسته ورغلې.

وسله والو طالبانو تر اوسه په دې اړه څه نه دي ویلي.