سمسور

د کرونا ویروس د ۲۶ تازه پیښو ثبتیدل

• 3 کاله دمخه (01/03/2021)
• محمد عزیر ستانکزی
• 1554

د عامې ورغتیا وزارت وايي په تیرو ۲۴ ساعتونو کې په هیواد کې د کرونا ویروس ۲۶ تازه پیښې ثبت شوي.

د عامې ورغتیا وزارت د مسوولینو په وینا په دې موده کې یو تن مړ شوی او ۱۱ تنه بیرته ترې رغیدلي دي.

د مسوولینو په وینا له تازه ثبت شویو شمیرو سره په هیواد کې پر کرونا ویروس د اخته کسانو شمیر ۵۵ زره او ۷۵۹ تنو ته ورسید چې له دې ډلې دوه زره او ۴۴۶ تنه مړه شوي او ۴۹ زره او ۳۴۴ نور بیرته رغیدلي دي.

دا په داسې حال کې ده چې هیواد کې د کرونا ضد واکسین هم پیل شوی او تر اوسه ۱۲ زره او ۱۶۴ روغتیایي کارکوونکي واکسین شوي.