سمسور

ولسمشر غني: طالبان دې د خپل مشر څېره خلکو ته وښيي

• 3 کاله دمخه (04/05/2021)
• نګینه ارشاد
• 1009

افغانانو دا ثابته کړې، چې سولې ته ژمنتیا لري؛ خو که طالبان جګړه کوي؛ نو بیا جګړې ته هم چمتو یو.

نن د« سل ورځې سل زیري» په لړ کې د پوهنې اوونۍ په پار جوړه شوې غونډه کې ولسمشر غني وویل، چې طالبانو د نورو په اشاره د وطن ورانولو ته مخه کړې او که ځان افغانان ګڼي؛ نو باید د پردیو له نوکري راووځي.

هغه دغه راز زیاته کړه، چې جمهوریت ټولو ته مالوم دی؛ خو که طالبان رېښتیا هم ځان خپلواک ګڼي؛ نو خپل د خپل مشر څېره دې خلکو ته وښيي.

ولسمشر غني همداراز له افغانستان څخه د بهرنیو ځواکونو وتلو ته په اشارې ویلي، چې افغان ځواکونه د هر ډول حالاتو د کنټرول وړتیا لري او افغان حکومت د بهرنیو ځواکونو وتلو ته زمینه برابره کړې.