ویسټ انډیز په لومړۍ شل اوریزه لوبه کې میلمنه لوبډله ماته کړه
- 3 کاله دمخه (27/06/2021)
- حضرت علي میاخېل
- 1194
د جون ۲۶ مه تېره شپه ناوخته ویسټ انډیز له سوت افریقا لوبډلې سره مخامخ وه.
په دغې لوبه کې پچه د ویسټ انډیز لوبډلې وګټله او لومړی یې د توپ اچونې پریکړه وکړه.
سوت افریقا لوبډلې په ټاکلو شلو اورونو کې د ۶ لوبغاړو په سوځېدو ۱۶۰ منډې جوړې کړې او د ۱۶۱ منډو هدف یې ویسټ انډیز لوبډلې ته کېښود.
د افریقا لپاره کونټن ډیکاک ۳۷ او وان ډیر ډوسن ۵۶ تر ټولو ډېرې منډې جوړې کړې.
د ویسټ انډیز لپاره فابین الیین او ډیین براوو دوه دوه لوبغاړي وسوځول.
ویسټ انډیز لوبډلې ټاکل شوی هدف په ۱۵ اورونو کې پوره او په ۸ ویکټو او دیرش توپونو یې میلمنې لوبډلې ته ماتې ورکړه.
د ویسټ انډیز لپاره کریس ګیل ۳۲ او ایون لیوس ۷۱ منډې جوړې کړې.
ددغې لوبې د غوره لوبغاړي جایزه ایون لیوس ته ورکول شوه، چې ۷۱ منډې یې جوړې کړې وې.
د یادو لوبډلو تر منځ څلور نورې شل اوریزې لوبې هم ترسره کېږي.