سمسور

تېرو ۲۴ ساعتونو کې ۱۹۳ طالبانو ته مرګ ژوبله اوښتې

• 3 کاله دمخه (31/07/2021)
• رفیع الله نقیب زی
• 1285

په تېرو ۲۴ ساعتونو کې افغان ځواکونو په مخامخ نښتو، چاڼیزو عملیاتو او هوایي بریدونو کې ۱۳۱ طالبان وژلي او ۶۲ تنه ټپیان دي او ۵ تنه نور د افغان ځواکونو له لوري ژوندي نیول شوي دي.

په یاده موده کې د طالبانو ۹ بېلابېل ډول ماینونه، چې طالبانو د هېواد په مختلفو سیمو ځای پرځای کړي وو، د ملي اردو ځواکونو له لوري کشف او خنثی شوي او همدا راز یو شمېر وسلې او مهمات یې هم له منځه وړل شوي.

باید وویل شي، چې طالبانو ته یاده مرګ ژوبله د هېواد په غزني، پکتیکا، کندهار، زابل، هرات، جوزجان، تخار او کاپیسا ولایتونو کې اوښتې ده.