انس حقاني: د نجونو ښوونځیو بېرته پرانیستلو لپاره د علماوو ناسته جوړېږي
- 2 کاله دمخه (04/05/2022)
- سمسور
- 781
سمسور (۱۴غوایی۱۴۰۱) د طالبانو د حکومت چارواکی انس حقاني وایي، د نجونو د ښوونځیو د بېرته پرانیستلو لپاره د دیني علماوو یوه ناسته جوړېدونکې ده.
هغه خوست ته په سفر کې یوې غونډې ته د خبرو پر مهال ویلي، چې د نجونو ښوونځیو په برخه کې به ډېر ژر ټولې شته ستونزې حل کړل شي.
انس حقاني دا خبرې داسې مهال کوي، چې له تېرو ۸ میاشتو راهیسې له شپږم ټولګي پورته د ښوونځیو دروازې د نجونې پر مخ تړلې دي.
د نجونو پر مخ تړلو ښوونځيو وخت ناوخت نړیوال غبرګونونه پارولي او طالبان په دې برخه کې تر کورنیو او نړیوالو فشارونو لاندې دي.