سمسور

کابل ته د هند سفارت ته يوه تخنیکي ډله رارسېدلې

• 2 کاله دمخه (23/06/2022)
• سمیر احمد
• 718

سمسور (۲چنګاښ۱۴۰۱) د هند د بهرنیو چارو وزارت ویلي، چې د هند يوه تخنیکي ډله کابل ته په رسېدو د دې هېواد سفارت کې ځاى پرځاى شوې ده. 

دغه وزارت په یوه اعلامیه کې ویلي، چې هند له افغانانو سره تاريخي او متمدنې اړيکې لري.  

سرچینه زیاتوي، افغانانو سره د هند ملګرتیا او په ځانګړې توګه بشري مرستې په راتلونکي کې هم دوام کوي. 

سرچینې دغه راز ویلي، په افغانستان کې د وروستیو زلزله ځپلو سره د مرستې لپاره یې په بشري مرستو يوه بار الوتکه هم کابل ته رسېدلې ده.

د یادونې ده، چې د وړمې شپې سختې زلزلې له امله په پکتیکا، پکتیا او خوست ولایتونو کې سلګونه کسانو ته درانه مالي او ځاني تلفات واوښتل.