سمسور

امریکا د ا.ا چارواکو ته د ویزو پر ورکړه بندیز اعلان کړ

• 2 کاله دمخه (12/10/2022)
• سمیر احمد
• 788

سمسور نیوز (۲۰تله۱۴۰۱) ‏د امریکا د بهرنیو چارو وزارت د ا.ا پر هغو اوسنیو او پخوانیو چارواکو د ویزو محدودیتونه اعلان کړل، چې افغانستان کې د نجونو او مېرمنو په ځپلو او د دوی د حقونو په نه رعایتولو کې لاس لري. 

‏د امریکا د بهرنیو چاروز وزارت په اعلامیه کې د بهرنیو چارو د وزیر له قوله راغلي، چې دې محدودیتونو کې د ا.ا اوسني یا پخواني غړي، د غیر دولتي امنیتي ډلو غړي او نور هغه افراد شامل دي، چې په افغانستان کې په محدود کوونکو پالیسیو او تاوتریخوالي سره د نجونو او مېرمنو ځپلو کې لاس لري.

‏اعلامیه کې له نورو دولتونو هم غوښتل شوي، چې ورته ګام واخلي او دا غږ بدرګه کړي، چې په افغانستان کې یوازې هغه حکومتونه مشروع ګنل کېږي، چې د ټولو افغانانو استازولي کوي او د هغوی حقونو ته درناوی لري.  

ا.ا تر اوسه د امریکا دغه ګام ته غبرګون نه دی ښودلی.