پکتیا کې وسلهوالو غلو د جمعه نور په نوم دغه ځوان د موټر پر سر وژلی
- 1 کال دمخه (18/02/2023)
- سمسور نیوز
- 661
سمسور نیوز (۲۹سلواغه۱۴۰۱) سیمه ییزې سرچینې وایي، د پکتیا په مرکز ګردېز کې د جمعه نور په نوم یو ځوان د وسلهوالو غلو له لوري په پټه توګه وژل شوی دی.
سرچینې ویلي، جمعه نور په ګردېز ښار کې ټکسي موټر چلاوه او څو ورځې وړاندې ځینو کسانو له ځانه سره کرایه کړی و، چې د څو ورځو نادرکۍ وروسته یې تېره ورځ د ګردېز ښار اړوند سیمه کې جسد موندل شوی دی.
سرچینې همداشان زیاته کړې، چې دغو غلو د هغه موټر هم له ځانه سره بیولی دی.
د پکتیا ولایت د امنیه قوماندانۍ ویاند پېښه تائید کړې او ویلي یې دي، چې په دې اړه به څېړنې وکړي.
په دې وروستیو کې د هېواد په ځینو ولایتونو کې پټې وژنې په بېسارې ډول زیاتې شوې دي، چې د خلکو جدي اندېښنې یې راپارولي دي.