سمسور

د پاکستان له زندانونو څخه تر زرو ډېر افغان بندیان ازاد شوي

• 1 کال دمخه (01/04/2023)
• سمسور نیوز
• 636

د کډوالو او بېرته راستنېدونکو چارو وزارت وايي، تر اوسه د پاکستان له زندانونو څخه له زرو ډېر افغان بندیان ازاد شوي.

یاد وزارت پرخپله ټوېټرپاڼه لیکلي چې تېره ورځ هم د دوی په هڅو شاوخوا ۱۷ هغه افغانان چې د پاکستان په زندانونو کې بندیان وو، خوشې او د سپین بولدک له لارې هېواد ته را انتقال شول.

له وزارت څخه په خپره شوې خبرپاڼه کې راغلي، چې په دې برخه کې په اسلام اباد کې د افغانستان سفارت ډېرې هڅې کړې دي.

که څه هم دا لا نه ده معلومه چې اوس مهال هلته څومره نور افغانان د پاکستان په زندانونو کې د بندیان دي، خو تر دې وړاندې ویل شوي چې د پاکستان په بېلابېلو زندانونو کې له ۱۵۰۰ څخه ډېر افغانان بندیان دي.