سرپل کې د نجونو دوو ښوونځیو لسګونه زدهکوونکې مسمومې شوې
- 1 کال دمخه (05/06/2023)
- سمسور نیوز
- 555
په سرپل ولایت کې په دوو جلا جلا پېښو کې له ۷۰ څخه ډېرې زده کوونکې مسمومې شوې دي.
د یاد ولایت امنیې قومندانۍ ویاند دین محمد نظري ویلي چې دوه شپې وړاندې نامعلومو وسله والو د سنچارک ولسوالۍ د نجونو د یو لومړني ښوونځي په ټولګیو کې زهري مواد پاشلي چې له کبله یې د شنبې په ورځ ۶۰ زده کوونکې مسمومې شوې دي.
د هغه په خبره، اوس مهال د یادو زده کوونکو روغتیايي وضعیت د ډاډ وړ دی.
په همدې حال کې یو شمېر سرچینو خبر ورکړی چې د سنچارک ولسوالۍ د نجونو په یو بل لومړني ښوونځي کې هم ۱۵ نجونې مسمومې شوې دي.
لاهم د یادې پېښې عاملین نه دي پېژندل شوي.