حامد کرزي د اروپايي ټولنې له شارژدافیرې سره کتلي
- 1 کال دمخه (24/07/2023)
- سمسور نیوز
- 506
پخواني ولسمشر حامد کرزي له اروپايي ټولنې غوښتي، چې د افغانان ځوانانو د زده کړو د ودې لپاره جدي او هر اړخیزې هڅې وکړي.
نوموړي تېره ورځ د افغانستان لپاره د اروپايي ټولنې شارژدافیرې رافیلا یودیچه سره په کتنه کې زده کړې د افغانستان لپاره یوه حیاتي مسئله بللې ده.
د کرزي پر ټوېټرپاڼه لیکل شوي، چې نوموړي په دې لیدنه کې له افغانستان سره د اروپايي ټولنې له مرستو مننه کړې او د لا زیاتو همکاریو غوښتنه یې کړې ده.
د یادونې وړ ده چې حامد کرزي تر دې وړاندې هم پر نړیوالو غږ کړی چې په افغانستان د زد کړو په برخه کې همکاري درېغ نه کړي.