دارالامان کې چاودنې دوه کسان وژلي
- 1 کال دمخه (21/08/2023)
- سمسور نیوز
- 372
د افغانستان پلازمېنې کابل دارالامان سيمه کې نن مازديګر مهال چاودنه شوې ده.
پېښه نن ماښام د کابل ښار شپږمې ناحيې اړوند دارالامان سیمه کې شوې ده.
د کابل ښار امنيې قومندانۍ وياند خالد ځدراڼ د دې چاودنې پخلی کړی او وايي چاودنه په يوه زرنج کې د چسپکي ماين له کبله رامنځ ته شوې ده.
د نوموړي په وينا په زرنج کې سپاره دوه کسان وژل شوي او يو بل لاروی ټپي شوی دی.
خالد ځدراڼ وايي، د پېښې په اړه پلټنې پيل شوې او د چاودنې ځای ته امنیتي سرتېري رسېدلي دي.