د حشمت خلیل کرزي کورنۍ یو زمری او څو مرغان د کابل ژوبڼ ته ډالۍ کړل
- 1 کال دمخه (06/09/2023)
- سمسور نیوز
- 617
د حیوانانو او وحشي ژویو د ښې ساتنې او پالنې لپاره، د حشمت خلیل کرزي د کورنۍ له لوري یو افریقايي نژاده زمری کابل ژوبڼ ته وسپارل شو.
د کابل ژوبڼ رئیس عزیزګل ثاقب ویلي، چې دا زمری له نرینه افریقايي جنس څخه دی، چې نوم یې (شیرا) دی.
د نوموړي ویلي، چې دا زمری لس کلن دی، ژېړ رنګ او توره غاړه لري، چې په کابل ژوبڼ کې له شته درې زمریانو څخه بشپړ توپیر لري.
د یادونې ده چې، یو شترمرغ، ۱۶ چینايي مرغابۍ، دوه کلنګ او دوه تیتر هم د ډالۍ په توګه د حشمت خلیل کرزي د کورنۍ لخوا کابل ژوبڼ ته وسپارل شول.