سمسور

پاکستاني پولیسو اسلام اباد کې ۸۰۰ افغان کډوال نیولي

• 1 کال دمخه (01/10/2023)
• سمسور نیوز
• 591

د پاکستان په پلازمېنه اسلام اباد کې پولیسو د تلاشۍ عملیاتو کې ۸۰۰ افغان کډوال نیولي دي.

پاکستاني رسنیو د ترهګرۍ پر وړاندې د مبارزې د ادارې له قوله ویلي، چې ۴۰۰ هغه کسان چې د اوسېدو کارتونه یې درلودل، خوشې شوي او ۳۷۵ نور به له دې امله واېستل شي، چې اسناد نه لري.  

پاکستاني راپور ورکړی، چې دغه عملیات د بهارا کهو، ترنول، مهرابادیان، ګلره او شمس کالونۍ په سیمو کې شوي دي.

تر دې مخکې پاکستاني رسنیو راپور ورکړی و چې د دغه هېواد کابینې د یو نیم میلیون کډوالو د اېستلو پلان تصویب کړی چې د اوسېدو اجازه نه لري.