امریکا کې د پخواني افغان پوځ درې پیلوټان وژل شوي
- 11 مياشتي دمخه (18/12/2023)
- سمسور نیوز
- 417
په امریکا کې د افغانستان د پخواني پوځ درې پیلوټان د الوتکې د غورځېدو په پېښه کې وژل شوي دي.
امریکایي رسنیو راپور ورکړی، چې دغه الوتکه د اوریګون ایالت د «مک مینویل» هوايي ډګر څخه د تمرین لپاره پورته شوې وه.
سرچینې د دغې پېښې علت په هوا کې د برېښنا له پایې سره د الوتکې ټکر بللی دی.
د دغو پیلوټانو نومونه محمد حسین موسوي، محمد بشیر صفدري او علي جان فردوسي ښودل شوي دي.
امریکایي چارواکي وایي، دغو پیلوټانو له تېر کال راهيسې هلته روزنیزې الوتنې ترسره کولې.
د یادونې ده چې دغه درې وژل شوي پیلوټان د جمهوري نظام تر سقوط وروسته امریکا ته تللي وو.