بدخشان کې د واورې ښویېدنې له امله درې کسان وژل شوي
- 10 مياشتي دمخه (04/02/2024)
- سمسور نیوز
- 429
د بدخشان ولایت په شهر بزرګ والسوالۍ کې د واورې ښویېدو له امله درې کسان وژل شوي دي.
د بدخشان د امنیه قوماندانۍ ویاند احسان الله کامګار وايي،
پېښه تېره ورځ د شهر بزرګ ولسوالۍ په سنګخواه کلي کې رامنځ ته شوې.
هغه زیاته کړې، چې دغه درې تنه ځوانان د جنازې له مراسمو څخه د بېرته راستنېدو په حال کې وو، چې د واورې ښویېدو په پېښه کې وژل شوي دي.
نوموړی وايي، چې د دغو درېیو تنو جسدونه د سيمې خلکو په همکارۍ له واورو څخه را اېستل شوي دي.
دا په داسې حال کې ده، چې په تېرو څو ورځو کې د واورې ورښت د دغه ولایت د څو ولسواليو اوسېدونکي له ګڼو ستونزو سره مخ کړي دي.