عبدالکبیر: ښې اړيکي غواړو، خو زور نه منو
- 2 مياشتي دمخه (09/09/2024)
- سمسور نیوز
- 66
د رئیسالوزرا سیاسي مرستیال مولوي عبدالکبیر وایي، سرپرست حکومت د امریکا په ګډون له ټولو هېوادونو سره مثبت تعامل غواړي.
مولوي عبدالکبیر تېره ورځ کابل کې یوې غونډې ته د خبرو پر مهال ویلي، که نړۍ بیا افغانستان ته د اشغال لپاره راشي، افغانان اشغال او زور نه مني.
نوموړي زیاته کړې، هغه هېوادونه چې افغانستان ته د تعامل او پانګونې لپاره راځي، د اسلامي امارت غېږ ورته پرانېستې ده.
هغه همدارنګه له نړیوالې ټولنې غوښتي، چې افغانستان کې د بنسټونو په رغولو کې ونډه واخلي او خپلې نیمګړې پروژې بشپړې کړي.
د یادونې ده چې سرپرست حکومت تر دې وړاندې هم ټینګار کړی وو، چې له ټولې نړۍ سره مثبتې اړیکې غواړي؛ خو چاته په کورنیو چارو کې د لاسوهنې اجازه نه ورکوي.