له کندهار څخه د ۳۷ ملیونه ډالرو وچه مېوه صادر شوې
- 3 مياشتي دمخه (22/09/2024)
- شریف الله وليزاد
- 104
د کندهار د سوداګرۍ او پانګونې خونې مسؤلینو ویلي، د روان ۱۴۰۳ کال په تېرو څلورو میاشتو کې له یاد ولایت څخه د ۳۷ ملیونو او ۸۹۶ امریکايي ډالرو وچه مېوه صادر شوې ده.
د یادې خونې د عامل مدیر انجنیر عبدالباقي بینا سمسور نیوز ته ویلي، چې د دغې مېوې حجم ۱۲ زره او ۲۰ مټریک ټنه وو او ډېره برخه یې کشمش، شکرپاره، بادام او انځر وو.
د بینا په خبره، دا مېوه تر ډېره پاکستان، چین، هندوستان، متحده عربي اماراتو او یو شمېر نورو هېودوانو ته صادر شوې ده.
د معلوماتو پر اساس، تېر کال له کندهار څخه بهر ته ۴۲۰ زره مټریک ټنه وچه او لنده مېوه صادر شوې وه.