نورستان کې برف کوف ۴ کسانو ته مرګ ژوبله اړولې
- 2 اونۍ دمخه (08/04/2025)
- شریف الله ولیزاد
- 35
یو شمېر سیمه ییزي سرچینې وايي، د نورستان ولایت د مرکز پارون ښار په پرونس کلي کې د واوري ښویېدو له امله یو کس وژل شوی او درې تنه نور ژوبل شوي دي.
هغوی وايي، چې پر یادو کسانو تېره ورځ ناوخته په کرونده کې د کار پر مهال برف کوچ راغلی او مرګ ژوبله یې ور اړولې ده.
معلومات ښيي، چې ژوبل شوي کسان د درملنې په پار د پروین روغتیايي مرکز ته لېږدول شوي دي.
دا پېښه داسې مهال رامنځته شوې، چې د ټرانسپورټ او هوايي چلند وزارت نن د یاد ولایت په ګډون په ۲۱ ولایتونو کې د بارانونو او واورې اورېدلو اټکل کړی دی.