ارواښاد محمدنور شعرونه
دپښتوژبې ولسې شاعر محمدنور پیژندګلو
محمدنور دافغانستان دلغمان دسیمې مشهور ولسي شاعر تیر شوی دي .دلغمان اوننګرهار دسیمو زیاترو پښتنو سندرغاړو دده شعرونه زمزمه کړي دي . محمد نور دمحمد میر زوی او دطالب لمسی دی چې په ۱۲۵۳ زیږدیز کال دلغمان ولایت داوزبین په سیمه کې زیږیدلی دی اوبیا لا وړوکی ماشوم و چې کورنۍ یې دلغمان ولایت دالیشنګ ولسوالۍ دغازي اباد کلي ته راغلّه او دوی هماغلته میشته شول.
وروسته دده کورنۍ او دی دغازی اباد دکلي نه دلغمان مرکز دمهترلام ښارته وکوچیدل او هلته دستر ستانه او روحانی سلطان غازی بابا دمزار تر څنګ دسلطان غازي بابا په بانډه کې میشته شول.
محمد نور دافغانستان دواکمن امیر شیر علي خان دواکمنۍ په وخت کې ځوان و او بیا د امیر عبدالرحمان خان دواکمنۍ په وخت کې په پوځي خدمت کې شامل شو.ویل کیږي چې ده دمیوند تاریخي جګړې واقعات په خپلو ستر ګو لیدلی وو.
محمد نور یو انپړ شاعر و او لیک او لوست یې نه و زده ، نوموړی په ۱۳۳۹ لیږدیز /شمسی کال په خپلې بانډې کې وفات شوی دی او دلغمان دمهترلام ښارته څیرمه خاوروته سپارل شوی دی .
اروادې ښاده وي !