سمسور

ربـــــــه زړه د رقیــــــــب نــــرم په احسان کړی

دا هندوراباندی څـــــه خــــو مسلمـــان کړې

زما صبر تیره تــــــــوره کـــــړی پـه عشق کی

رقیبان ورباندی غوڅ په خپل ګـــــومــان کړ

چې خاطر د آهو چشمو ترې و حشت خـوري

هغـــــه واړه ودانـــــــۍ زمـــــــا دامـــان کړې

اور زما ددین دنیا په کـــــور کــــــړې پــورې

څو مې عذر په عزت د عشق مهمان کـــــړې

چې روښان دیار د مــــــــخ پــــــه ډیـوه نه وی

وران زمـــــــــا د زنــــــــــدګیــــه خانمان کړې

یا زمان دیــــــــــــار د وصـــــــــل کـړې رانوی

یا مې عـــمر پـــــه هجـران کې یو زمان کړې

چې مدام په نغوته کـــــــار کـــــړي د اغیارو

له دغه کاره مې یار څــــــه خو پښیمان کړې

رقیبان مې د هجران پــــــــه اور کـــــــې ولي

د خلیــــــــل پـــــه دود مـــې ربه په آمان کړې

ګوره نن په ځیر ځیر مـــــــخ دیـــــار حمیــــده

چې صبا ور پسی لاس مــــــــږی ارمان کړې

ارواښاد حميد مومند شعرونه - نور