باڼه په سترګو شې را قات سړي ته خوب ورولي
د چا تصویر د چا خیالات سړي ته خوب ورولي
دخدای له ذاته ځار څه ښکلی یې دنیا جوړه کړه
بل ښکلي ښکلي کائینات سړي ته خوب ورولي
شونډې انار ، سترګې بادام ، او جوړ له خاورې وجود
څومره خواږه لکه د شات سړي ته خوب ورولي
بیابه شوخې نه کوم بیابه ترې لاس نه تاووم
دبعضو پېغلو دا جذبات سړي ته خوب ورولي
دهجر شپه " بله ډیوه " او تنهایې " فطرته!
یو وخت او درې رنګه حالات سړي ته خوب ورولي