ډاکټر داود اعظمي ته د خواخوږی ادبي او کلتوري ټولني د مبارکي پيغام


  • 2 کاله دمخه (21/09/2020)
  • الحاج غرزي خواخوږی
  • 753

په ډېري خوشحالي سره مو خبر ترلاسه کړ چې د هېواد ځوان ليکوال، ژورناليست او سياسي څيړونکي ډاکټر داود اعظمي په سويس کې د نړيوال اقتصادي فورم لخوا د ٢٠١١ کال لپاره د نړي په کچه د ځوانانو نړيوال مشرانو په ډله کې غوره سو.
د دغي جايزي لپاره د نړي څخه په زرګونو کسان کانديد وو چې د نيکه مرغه ښاغلي ډاکټر داود اعظمي د بي وزلي افغانستان د ځوانانو استازي په دي وتوانيدي چې دغه جايزه خپل ځان ته نصيب کړي.
ښاغلي داود اعظمي د دوکتورا د لوړ علمي رتبي تر څنګ دری لسانس او دری ماستري ډيګري هم د خپل زيار په کارولو سره ترلاسه کړي دي، په پنځه ژبو باندي پوهيږي او کلونه کلونه کيږي چې د بي بي سي راډيو په نړيوالي سرويس کې چاري ترسره کوي او د يوه کاله را هسي په کابل کې د بي بي سي د دفتر د رئيس په حيث کار کوي.
ښاغلي اعظمي د ژورناليستيکو او څيړنيزو فعاليتو تر څنګ په دری ژبو شعر او نثر هم ليکي.
د خواخوږی ادبي او کلتوري ټولنه د دغي نړيوالي جايزي د ګټلو په مناسبت ښاغلي ډاکټر داود اعظمي او د افغانستان ټول ولس په ځانګړي توګه ځوانانو ته مبارکي او نيکي هيلي وړاندي کوي، د لوي خدای (ج) د درباره څخه ښاغلي ډاکټر اعظمي ته د لا برياليتوب غوښتنه کوي.
 

په درنښت
الحاج غرزي خواخوږی
د ټولني مشر