سمسور

ولی افغان وژنوته دوام؟

• 3 کاله دمخه (22/12/2020)
• عبدالمنان توحیدیار
• 1351

د ملګرو ملتونو وروستی راپور ښيي چې افغانستان په نړۍ کې هغه هېواد دی چې د انسان لپاره پکې پرمختګونه اسان نه دي.

هغه لیست چې ملګرو ملتونو خپور کړی، ښيي چې افغانستان د انسانانو د پرمختګ لپاره تر ټولو وروستي ځای کې موقعیت لري.

د دې هر څه لامل طالبان او د دوی نورې ملاتړې ترهګرې ډلې دي.

دې ته به جالب ووایو چې افغانستان کې د انسانانو د ژوند پرمختګ ستونزمن دی، دلته خلک دې وضعیت ته رسیدلي چې ژوند کې دې پرمختګ هم نه کوي، خو چې ژوندی پاتې شي.

یانې خلک په هر ډول وضعیت کې ژوند کول غواړي، خو چې د دین په نامه د طالب او نورو ترهګرو ډلو جګړه پای ته ورسیږي.

افغانستان کې انسانان ژوند غواړي او طالب هیچا باندې رحم نه کوي چې په افغانستان کې ارام او له پرمختګ ډک ژوند ولري.

تاسو له ماشومتوب په افغانستان کې د یو کس ژوند تعقیب کړئ، پلټنه یې وکړئ، بیا تر ځوانۍ او سپین ږیرتوب، ټول عمر کې یې د شمار ورځې هم نه راځي چې دی پکې له کورنۍ سره خوښ اوسي.

پرمختګونه یوې خواته کړه، افغانستان کې له طالبانو هیڅوک ژوند لري، ماشومانو باندې رحم نه کوی، تاسو د کابل په دشت برچي کې زیږنتون باندې د دې ډلې برید ولید چې نوي زیږیدلي ماشومان یې شهیدان کړل.

تاسو هره ورځ حساب وکړئ چې د طالب د ناروا جګړې له کبله څومره ځوانان ژوند له لاسه ورکوي، څومره خلک له ژوند بې زاره دي او هره ورځ ورسره ویره ده چې د طالب په چاودنه او یا هدفي برید کې به ووژل شي.

نور خو تاسو ګورئ چې طالب شته بیا رغونه له منځه وړي او څومره یې چې په توان پوره وي، هغومره د بیا رغونې مخه نیسي.

دا د جګړې یو اړخ دی چې خلک په ژوند کې تنګ دي او هغوی چې په افغانستان کې د پرمختګونو لپاره هیلې لري، یا یې طالبان په مرګ ګواښ پيسې ترې غواړي، یا یې وژني او یا ورته نور مشکلات پيدا کوي.

طالب تل له دین څخه د سپر په توګه کار اخیستی او شاوخوا پنځه ویشت کاله یې د دین په نوم کاروبار وکړ، داسې کاروبار چې طالب مشرانو پکې ښه ژوند وکړ او میلیونونه افغانان یې په ژوند کولو پښیمانه کړي دي.