سمسور

پاکستان طالبانو ته د ماینونو خښولو برمې ورکړي.

• 3 کاله دمخه (22/02/2021)
• خالد سهار
• 995

د ولسمشر لومړی مرستیال امرالله صالح  وایي، پاکستان طالبانو ته نوې برمې ورکړې چې په سراچه موټر کې ورسره وي او د کابل پر سړکونو ماینونه ځای پر ځای کوي.

نوموړي نن د شپږ نیمو بجو په ناسته کې ویلي،  چې طالبانو له پاکستان نوې برمې ترلاسه کړې دي چې د یوې یا دوو دقیقو په لړ کې پر سړک لس سانتې متره غار پرې کوي او د سړک د رنګ په شکل ماین په کې ځای پر ځای کوي.

د نوموړي په خبره، دغه برمې په سراچه موټرونو کې ځای پر ځای کوي او په ډېره کمه موده کې یې په سړک کې ایږدي، چې د تېرې ورځې چاودنه هم د همدې برمو په اساس رامنځته شوې وه.

کابل کې تېره ورځ ماین چاودنې د پولیسو او عامو خلکو په ګډون څلور کسان ووژل شول او پنځه نور ټپیان شول