سمسور

دوه میاشتو کې جګړې ۴۹ زره کورنۍ بې ځایه کړي

• 3 کاله دمخه (23/03/2021)
• نګینه ارشاد
• 1790

 افغانستان کې د جګړو له کبله د روان میلادي کال په دوه لومړیو میاشتو کې ۴۹ زره کورنۍ بې ځایه شوي دي.

د ملګرو ملتونو د همغږۍ دفتر یا اوچا وايي، چې د روان کال په لومړیو دوه میاشتو کې ۴۹ زره کورنۍ د جګړو له کبله بې ځایه شوي، چې لاهم خپلو مېنو ته نه دي ور ستنې شوي.

اوچا ویلي، چې په بې ځایه شویو کورنیو کې ۲۰ سلنه یې د پاخه عمر نارینه، ۲۱ سلنه یې ښځې او ۵۹ سلنه یې تر ۱۸ کلنۍ کم عمره ماشومان دي.

د یاد دفتر په خبره، هلمند، کندهار، نیمروز، فراه،هرات، بادغیس،بلخ، سر پل،سمنګان، تخار، کندز، بدخشان، بغلان،ننګرهار او کونړ هغه ولایتونه دي، چې جګړو په کې خلک خپلو مېنو پرېښودو ته اړ کړي.

اوچا یادې څرګندونې داسې مهال کوي، چې افغان دولت او نړېواله ټولنه له طالبانو د افغان وژنې د بندېدو غوښتنه کوي؛ خو یاده ډله لاهم په جګړو تمرکز لري.