سمسور

هرات کې خپل ماین شلو طالبانو ته مرګ ژوبله واړوله.

• 3 کاله دمخه (25/04/2021)
• نګینه ارشاد
• 1268

سمسور (یکشنبه د غوایي ۵) هرات کې د خپل ماین په چاودنه کې شلو طالبانو ته مرګ ژوبله اړولې ده.

د هرات والي سید وحید قتالي ویلي، طالبان د هرات پښتون زرغون ولسوالۍ اړوند مار آباد کلي په یوه جومات کې پر ماین جوړولو بوخت وو، چې خپل ماین پرې چاودنه کړې.

د هغه په خبره یاده پېښه نن له غرمې وړاندې رامنځته شوې، چې پر مهال یې شلو طالبانو ته مرګ ژوبله اوښتې.

طالبانو تر دې دمه په دې تړاو کومه تبصره نه کړې.

باید یاده شي، چې وخت ناوخت طالبان د خپلو ماینونو په چاودنه کې مړه او ژوبل شوي دي.