په تېرو ۲۴ ساعتونو کې کرونا ۷۷ تنه مړه کړي
- 3 کاله دمخه (05/07/2021)
- سمسور نیوز
- 1782
روغتیا وزارت وايي، چې د کرونا له امله په تېرو ۲۴ ساعتونو کې ۷۷ تنه مړه شوي او ۱ زر او ۴۸۵ نورې مثبتې پېښې ثبت شوي دي.
د یاد وزارت په خبره، چې په همدې موده کې ۸۳۴ کسان بېرته له دې وژونکې ناروغۍ څخه رغېدلي دي.
د روغتیا وزارت د معلوماتو له مخې په ټول افغانستان کې د کرونا د مثبتو پېښو شمېر یو لک ۲۷ زره او ۴۲۲ ته پورته شوی دی.
په افغانستان کې د یاد ویروس له امله د مړینو رسمي شمېر ۵ زره او ۳۶۰ ته لوړ شوی دی.
روغتیا وزارت یو ځل بیا په هېوادوالو غږ کړی، چې روغتیايي سپارښتنې عملي کړي تر څو په دې وژونکې ناروغۍ اخته نه شي.