افغانستان نن له هند سره خپله دویمه شل اوریزه لوبه کوي
- 9 مياشتي دمخه (14/01/2024)
- سمسور نیوز
- 361
ټاکل شوې چې د افغانستان کرکټ ملي لوبډله نن له هند سره دویمه شل اوریزه لوبه وکړي.
دا سیالۍ د افغانستان پر وخت ماښام شپږ بجې د هند په اندرو لوبغالي کې ترسره کېږي.
د کرکټ بورډ د مالوماتو له مخې، افغان لوبډله تېره ورځ دغه لوبغالي ته رسېدلې او خپل تمرینات یې هم ترسره کړي.
د افغانستان او هند ترمنځ د درې شل اوریزو سیالیو په لومړۍ لوبه کې هند لوبډلې افغانستان ته په ۶ ویکټو ماتې ورکړه.
یاده لوبه چې د پنجشنبې په ورځ ترسره شوه، په کې افغان لوبډلې هند ته د ۱۵۹ منډو هدف ورکړ، چې هندۍ لوبډلې د څلورو لوبغاړو په سوځېدو پوره کړ.
دا لومړی ځل دی، چې افغان لوبډله له هند سره لوبلړۍ ترسره کوي.