امریکا او بریتانیا افغانستان ته ۳،۶۰۰ نوي سرتېريرالېږي
- 3 کاله دمخه (13/08/2021)
- سمسور نیوز
- 1283
د امریکا دفاع وزارت وايي، د افغانستان د امنیتي وضعیت خرابېدو له کبله امریکا دې هېواد ته درې زره سرتېري لېږي، چې په کابل کې د امریکا له سفارته ځیني خپل کارکوونکي ولېږدوي.
د دې وزارت ویاند جان کربي پرون ویلي، د پوځ او سمندري ځواک دا سرتېري به په دوو ورځو کې افغانستان ته ورسېږي، چې د کابل په هوايي ډګر کې د امریکا سفارت د یو شمېر کارکوونکیو په اېستلو کې مرسته وکړي.
په کابل کې د امریکا په سفارت کې د کارکوونکیو د شمېر د کمولو پرېکړه د بهرنیو چارو وزارت ویاند نېډ پرایس اعلان کړېده.
په همدې حال کې د بریتانیا دفاع وزیر بین والېس پرون ویلي، هېواد بهیې افغانستان ته ۶۰۰ سرتېري واستوي، چې په دې هېواد کې د مېشتو بریتانویانو په اېستلو کې مرستهوکړي.
د نوموړي په وینا چې دا سرتېري به په راتلونکو څو ورځو کې کابل ته ورسېږي.
امریکا او بریتانیا داسې مهال افغانستان ته سرتېري رالېږي، چې په ګڼو ولایتونو کې د افغان ځواکونو او طالب جنګیالیو ترمنځ جګړې تېزې شوې دي.
دا مهال طالب جنګیالیو له افغان دولت ګڼې سیمې او د یو شمېر ولایتونو مرکزونه تر خپل کنټرول لاندې راوستي، چې د مالوماتو لهمخې دغه ډله د نورو ولایتونو د مرکزونو د نیولو په هڅه کې همده.