سمسور

مولوي کبیر: ملګري ملتونه دې د افغانستان د کنګل شوې شتمني لپاره په امریکا فشار راوړي

• 3 کاله دمخه (27/10/2021)
• عارف سمیر
• 869

‏د رییس الوزرا سیاسي مرستیال مولوي عبدالکبیر د افغانستان لپاره د ملګرو ملتونو له ځانګړې استازې دیبورا لاینس سره لیدلي.

‏په دې کتنه کې دیبورا لاینس د ژمي تر راتلو وړاندې د بشري ناورین مخنیوي لپاره پر بېړنیو اقداماتو ټینګار کړی ‏او ویلي یې دي چې، په افغانستان کې د بشري او اقتصادي ناورین مخنیوي لپاره ګډ کار ته اړتیا ده او موږ له تمویلونکو هیوادونو سره خبرې کوو؛ ترڅو پراختیایي پروژې تمویل کړي چې د پیسو جریان بېرته عادي حالت ته وګرځي.

‏مولوي عبدالکبیر له ملګرو ملتونو غوښتنه کړې؛ ترڅو  د افغانستان د کنګل شوې پانګې د خلاصولو لپاره پر امریکا فشار راوړي. نوموړي ډاډ ورکړی چې د شرعیت په چوکاټ کې به د ښځو حقونو ته رسیدګي کېږي.