والسټرېټ ژورنال: امریکا افغانپوځ ته ځانګړي کړي تجهزات اوکراین ته ورکړي
- 3 کاله دمخه (18/12/2021)
- سمسور پریس
- 1177
امریکا غواړي، هغه وسلې او تجهیزات، چې پاشل شوي افغان پوځ ته یې ځانګړي کړي وو، اوکراین ته ورکوي.
والسټرېټ ژورنال ته امریکايي او اوکرایني چارواکو ویلي، د امریکا او اوکراین ترمنځ د هغو وسلو پر سر بحثونه او خبرې روانې دي، چې افغان پوځ ته ځانګړې شوې وې.
راپور کې همداراز راغلي، چې په دې کې الوتکې، ټانکونه او ځینې نور تجهیزات شامل دي.
امریکايي چارواکو ویلي دا چې افغان پوځ وپاشل شو، نو دوی اړ دي چې د خپلو ملګرو هېوادونو ساتنه وکړي، نو له همدې امله په دې وسلو غواړي اوکراین د روسیې پر وړاندې تقویه کړي.
دمګړی د روسیې او اوکراین ترمنځ د جګړو د احتمال خبرونه ورکول کېږي، خو امریکا غواړي د جګړې په صورت کې د اوکراین پوره ملاتړ وکړي.