د نیمروز خلک: پاکستان هڅه کوي، چې پر افغان خاوره اغزن سیم تېر او پوستې جوړې کړې
- 2 کاله دمخه (06/05/2022)
- سمسور
- 772
سمسور (۱۶غوایی۱۴۰۱) د نیمروز ولایت ځایي خلک وایي، چې پاکستان هڅې پیل کړې دي، چې د افغانستان پر خاوره اغزن سیم تېر کړي او پوستې جوړې کړې.
ځایي خلک وایي، پاکستانی لوری وخت ناوخت بریدونه هم کوي، چې وضعیت د خرابي لوري ته روان دی.
د دوی په خبره، اعزن سیم ورته د منلو نه دی او له ټولو ممکنو لارو به یې مخنیوی وکړي.
خو بلخوا؛ اکستان بیا وايي، چې ازغن سیم د ګوګل مپ یا د ګوګل د نقشې پر اساس تېروي.
په ورته مهال افغان چارواکو ویلي، چې پاکستان سره پر کرښه وضعیت ترینګلی دی او دواړو خواوو ځواکونه هم ځای پر ځای کړي دي.
چارواکي همداشان وایي، چې دواړه خواوو تېرو اوونیو کې خبرې وکړې؛ خو لا یې هم کومه پایله نه ده ورکړې.