سمسور

بغلان کې ترافیکي پېښې د درېیو کسانو ژوند اخیستی

• 2 کاله دمخه (21/05/2022)
• سمسور
• 784

سمسور (۳۱غویی۱۴۰۱) د بغلان ولایت ځایي چارواکي وایي، چې د دغه ولایت په پلخمري ښار کې د یوې ترافیکي پېښې له امله درې کسان وژل شوي او یو شمېر نور ژوبل دي.

د سرچینې د مالوماتو له مخې، پېښه نن شنبه د مرکز پلخمري اړوند سیمه کې شوې ده.

د سرچینې په خبره، دغه پېښه د یوې کورلا او بار وړونکي موټر د ټکر له امله رامنځته شوې ده. 

ویل کیږي، چې په دغه ترافیکي پېښه کې یو شمېر مسافر وړونکي هم ټپیان شوي، چې د درملنې لپاره روغتونو ته لېږدول شوي دي.

د یادونې ده، چې په هېواد کې ډېری وخت ترافیکي پېښې د موټر چلوونکو د بې احتیاطۍ او د سړکونو د خرابوالي له امله رامنځته کېږي.