سمسور

ننګرهار کې یو کس خپل ورور د چاقو په ګوزارونو وژلی

• 2 کاله دمخه (25/05/2022)
• سمسور
• 743

سمسور (۴غبرګولی۱۴۰۱) ننګرهار کې ځایي سرچینې وایي، چې دغه ولایت کې یو کس خپل ورور تر لفظي شخړې وروسته، د چاقو په ګوزارونو وژلی دی.

د سرچینې دغه راز زیاته کړې، چې پېښه د جلال اباد ښار اتمې ناحیې اړوند سیمه کې رامنځ ته شوې ده. 

د مالوماتو له مخې، وژل شوی کس احسان الله نومېده او د کابل ولایت اوسېدوونکی و.

سرچینه وایي، چې دغه پېښه د دواړو کسانو ترمنځ د کورنیو ستونزو له امله تر لفظي شخړې وروسته رامنځ ته شوې ده. 

د ننګرهار ځایي چارواکو لا تر اوسه په دې اړه څه نه دي ویلي.