سمسور

د ننګرهار په غني خېلو ولسوالۍ کې د یوه ډاکټر پر موټر چاودنه شوې

• 2 کاله دمخه (20/06/2022)
• سمیر احمد
• 742

سمسور (۳۰غبرګولی۱۴۰۱) ځایي سرچینې وایي، چې د ننګرهار د غني خېلو ولسوالۍ د روغتون د کلستر مشر ډاکټر شاه‌محمود هجرت پر موټر چاودنه شوې ده.

سرچینې ویلي، چې نوموړی ډاکټر ټپي دی او د غني خېلو روغتون ته لېږدول شوی دی. 

د نوموړي ډاکټر د روغتیايي وضعیت په اړه څه نه دي ویل شوي او روښانه نه ده، چې نورو کسانو ته هم مرګژوبله اوښتې که نه.

تر اوسه د دغې چاودنې مسوولیت چا په غاړه نه دی اخیستی.

ننګرهار کې ځايي مسوولانو هم تر اوسه په دې اړه څه نه دي ویلي.