د اسټرالیا ټول سرتیري له افغانستان نه ووتل
- 3 کاله دمخه (11/07/2021)
- سمسور نیوز
- 1521
د اسټرالیا دفاع وزارت چارواکو ویلي، چې په افغانستان کې یې شل کلن ماموریت پای ته ورسېد او خپل وروستی سرتیری یې هم له افغانستانه وویست.
د یاد وزارت چارواکو زیاته کړې، چې په وروستیو کې یې اته سرتیري پاتې ول او د سفارت او ډیپلوماټیک ماموریت ساتنه یې کوله؛ خو اوس ټول وتلي دي.
اسټرالیا په افغانستان کې د شل کلن ماموریت په دوران کې ۳۶ زره سرتیري افغانستان ته را لېږلي او دلته یې ماموریت پرې ترسره کړی دی.
اسټرالیاوي ځواکونو په افغانستان کې د ناټو ماموریت تر چتر لاندې فعالیت کاوه او اوس د امریکايي ځواکونو په وتلو سره دوی هم له افغانستان نه ووتل.