سمسور

دفاع وزیر: د افغانانو ترمنځ د نفاق خورولو هڅې روانې دي

• 2 کاله دمخه (14/10/2022)
• سمیر احمد
• 757

سمسور نیوز (۲۲تله۱۴۰۱) د ا.ا د ملي دفاع وزارت سرپرست مولوي محمد یعقوب مجاهد ویلي، چې د افغانانو ترمنځ د نفاق اچولو هڅې روانې دي.  

ښاغلي مجاهد پرون د جګړه‌ییزو ګډو زده‌کړو قوماندانۍ کې له هغو سرتېرو سره لیدلي، چې له پنجشیر ولایت څخه د ملي اردو په لیکو کې جذب شوي دي.    

هغه له سرتېرو سره په دې لیدنه کې ویلي، چې ځینې کسان د افغانانو ترمنځ د نفاق اچولو په هڅه کې دي او غواړي د قوم او مذهب په نوم د افغانانو یووالی له‌منځه یوسي.

نوموړي دغه راز افغانستان د ټولو ګډ کور بللی او پر افغانانو یې غږ کړی، چې د پردیو دسیسو مخه ونیسي.