سمسور

خالد ځدراڼ: کابل کې د کلیو او پراختیا وزارت پر موټر چاودنه کې ۸ تنه ژوبل شوي

• 2 کاله دمخه (02/11/2022)
• سمیر احمد
• 846

سمسور نیوز (۱۱لړم۱۴۰۱) د کابل امنیې قوماندانۍ ویاند ویلي، د نننۍ چاودنې له کبله د کلیو او پراختیا وزارت ۸ کارکوونکي ټپيان شوي دي. 

خالد ځدراڼ ویلي چې دا چاودنه د کلیو او پراختیا وزارت د کارکوونکو په موټر شوې ده. 

نوموړي زیاته کړې، چې ټپیان روغتون ته لېږدول شوي او د پېښې په اړه یې پلټنې پیل کړې دي. 

پېښه نن سهار د کابل ښار د پنځمې امنیتي حوزې اړوند «کارته‌مامورین» سیمه کې د سړک غاړې د ځای‌ پر ځای شوي ماین د چاودنې له امله شوې ده.   

تر اوسه کومې وسله‌والې ډلې د دې برید مسوولیت نه دی منلی.