سمسور

میدان وردګ کې له ۸زره او ۶۰۰ څخه زیات پاسپورټونه وېشل شوي

• 3 مياشتي دمخه (07/10/2024)
• عبدالبصیر رحمت زی
• 106

په تېرو درېیو میاشتو کې په میدان وردګ ولایت کې له ۸زره او ۶۰۰ څخه زیات پاسپورټونه وېشل شوي دي. 

کورنیو چارو وزارت په یوه خبرپاڼه کې لېکلي، چې په تېرو درېیو میاشتو کې یې په میدان وردګ ولایت کې ۸زره او ۶۹۵ پاسپورټونه وېشلي چې په واسطه یې د دولت بودېجې ته ۴ مېلیونه او ۲۳۱ زره افغانۍ عواید جمع شوي دي. 

دا په داسې حال کې ده چې په وروستیو کې هېوادوال د پاسپورټ د اخېستلو په پروسه کې د ستونزو د کموالي خبره کوي.