سمسور

د کراچۍ د پولیسو پر مرکز برید کې ۵ کسان وژل شوي

• 1 کال دمخه (18/02/2023)
• سمسور نیوز
• 588

سمسور نیوز (۲۹سلواغه۱۴۰۱) د پاکستان کراچۍ ښار د پولیسو پر مرکز ډله ییز برید کې لږ تر لږه ۲۳ کسانو ته مرګ ژوبله اوښتې ده.  

پاکستاني رسنیو د معلوماتو له مخې، دا برید د کراچۍ په ګلشن اقبال سیمه کې د شپې په شااوخوا اوه نیمو بجو شوی و.   

د کراچۍ د پولیسو مشر مقدس حیدر ویلي، په ځانمرګو واسکټونو او وسلو سمبال درېیو بریدګرو د پولیسو د مرکز ودانۍ ته ننوتلي وو، یوه یې په درېیم پوړ کې ځانته چاودنه ورکړه او دوه نور یې دا منیتي ځواکونو لخوا ووژل شول. 

هغه زیاته کړې، چې په دې څلور ساعته عملیاتو کې څلور پولیس، یو عام وګړی او درې بریدګر وژل شوي او ۱۸ تنه نور ټپیان شوي دي.  

پاکستانیو طالبانو ددې برید مسوولیت په غاړه اخیستی دی.