سمسور

ترکیه او سوریه کې بیا زلزله شوې؛ درې کسان مړه او تر ۶۰۰ زیات ژوبل دي

• 1 کال دمخه (21/02/2023)
• سمسور نیوز
• 572

سمسور نیوز (۲کب۱۴۰۱) په ترکیه او سوریه کې له مرګونې زلزلې دوه اوونۍ وروسته، تېره شپه د رېښتر په کچه ۶،۴ درجې یوې بلې زلزلې د دواړو هېوادونو سرحدي سیمې ولړزولې. 

ترکي رسنیو خبر ورکړی، چې په دې زلزله کې په ترکیه کې ۳ کسان مړه شوي او تر ۲۰۰ زیات ټپیان شوي دي. 

په سوریه کې هم د یادې زلزلې له امله د ۴۷۰ کسانو د ټپي کېدو پخلی شوی دی.  

خو رسنۍ وایي، دا شمېرې وروستۍ نه دي او د زیاتېدو وېره یې شته. 

دا په داسې حال کې ده، چې شااوخوا دوه اوونۍ په ترکیه او سوریه کې د یوې زورورې زلزلې له کبله نږدې ۴۷زره کسان مړه او زرګونه نور ژوبل شول.