ګوترېش: د افغان ښځو او نجونو ترڅنګ کلک ولاړ یوو
- 1 کال دمخه (14/03/2023)
- سمسور نیوز
- 734
سمسور نیوز (۲۳کب۱۴۰۱) د ملګرو ملتونو سرمنشي یو وار بیا له افغان مېرمنو سره د نړیوالې ټولنې پر ملاتړ ټینګار کړی.
انتونیو ګوترېش پرون په ملګرو ملتونو کې د یوې غونډې پرمهال ویلي، چې په افغانستان کې ښځې او نجونې له ټولنیز ژوند څخه څنډې ته کړل شوې دي.
هغه افغانستان ته د ملګرو ملتونو پلاوي وروستي سفر ته په اشارې ویلي، چې دا سفر په سختو شرایطو کې له افغان ښځو سره د دوی د ژمنتیا ښکارندويي کوي.
د ملګرو ملتونو سرمنشي یادې څرګندونې په داسې حال کې دي، چې په افغانستان کې ښځې او نجونې د زدهکړو او کار له حقونو محرومې دي.