د حکومت ویاند: مطیع الله ویسا د پردي دستور له مخې فعالیتونه کول

د حکومت ویاند: مطیع الله ویسا د پردي دستور له مخې فعالیتونه کول


  • 1 کال دمخه (29/03/2023)
  • سمسور نیوز
  • 534

د ا.ا ویاند ویلي چې د قلم لار ټولنې مشر مطیع الله ویسا د بهرني دستور له مخې  په افغانستان کې خپل فعالیتونه کول.

نوموړي له یوې رسنۍ سره په مرکه کې ویلي، مطیع الله ویسا خپل سرې کړنې او د حکومت له خبرېدو پرته یې پټې او ښکاره غونډې کول+ې.

هغه ویلي، دغه ډول کسان باید د حکومت له لوري د پوښتنو او څېړنو لپاره ونیول شي.

په همدې حال کې  د اطلاعاتو او فرهنګ نشراتي مرستیال عبدالحق حماد هم ویلي چې د نوموړي کړنې مشکوکې وې.

هغه د ویسا د نیول کېدو په اړه راپورته شویو پراخو غبرګونونو ته په اشارې پرخپله ټوېټرپاڼه لیکلي چې خپله له مطیع الله ویسا سره کومه پېژندګلوي نه لري، خو د یو فرد په نیول کېدو دومره پراخ غبرګونونه راپارېدل دا ښيي، چې د همدومره پراخې دسیسې مخه نیول شوې.

دا په داسې حال کې چې تېره ورځ یوناما، د ملګرو ملتونو ځانګړي ریپورټر د افغانستان لپاره د امریکا ځانګړي استازي او ګڼ شمېر نورو بنسټونو د هغه د راخوشې کېدو غوښتنه کړې.

صحت سمسور